لاہور: چیئرمین پی سی بی رمیز راجہ کا کہنا ہے کہ پاکستان میں کرکٹ واپس لانے میں بڑی محنت کی، مشکلیں اتنی پڑیں کہ آسان ہوگئیں۔
تفصیلات کے مطابق چیئرمین پی سی بی رمیز راجہ نے آسٹریلوی ٹیم کے کامیاب دورے کے بعد اپنے پیغام میں کہا کہ بہت چیلنجز کا سامنا کیا بغیر سوئے راتیں گزاریں، دنیا کے پاس کوئی جواز نہیں کہ پاکستان نہ آئیں۔
انہوں نے کہا کہ ویسٹ انڈیز کا دورہ عام حالات میں کروایا جاسکتا ہے، چار ملکی ٹورنامنٹ کے انعقاد پر بہت مثبت ردعمل آرہا ہے۔
Successful delivery of a jam-packed season
Teams cannot say no to Pakistan now
Fans have reconnected with team
Players deserve credit & appreciation
4 Nations Super Series
Junior & women PSL
Pakistan’s FTPAll this in conversation with Ramiz Raja.
📽️ https://t.co/ERciDQaGuU pic.twitter.com/ZK9IDs1HPI— Pakistan Cricket (@TheRealPCB) April 6, 2022
رمیز راجہ نے بتایا کہ بطور چیئرمین میچ دیکھنے جارہا تھا تو پتا چلا کہ کیوی ٹیم واپس جارہی ہے، نیوزی لینڈ، انگلینڈ دورہ منسوخی میں ہماری کوئی غلطی نہیں تھی، سب کا خیال تھا نیوزی لینڈ، انگلینڈ کے بعد آسٹریلیا کی ٹیم بھی نہیں آئے گی۔
چیئرمین پی سی بی نے کہا کہ پی ایس ایل کے ذریعے کئی سفیر آسٹریلیا بھجوائے ہوئے تھے، عالمی فورم پر ہماری نمائندگی درست طریقے سے ہوئی۔
رمیز راجہ نے کہا کہ ای میل کے ذریعے ٹیم کو دھمکیاں دی گئیں جن کا سراغ لگ گیا، میرا یہی موقف تھا کہ ہوم سیریز کھیلیں گے تو اپنے گھر میں ہی کھیلیں گے۔
