اسلام آباد : وفاقی دارلحکومت اسلام آباد میں احتجاج کے لیے آنے والے انصارالسلام کے رضاکار اور پی ڈی ایم کے کارکنان زبردستی ریڈ زون میں داخل ہوگئے۔
تفصیلات کے مطابق پاکستان ڈیموکریٹک موومنٹ ( پی ڈی ایم ) آج اسلام آباد میں سپریم کورٹ کے باہر دھرنا دینے والی تھی تاہم ذرائع نے دعویٰ کیا ہے کہ مولانا فضل الرحمان ڈی چوک پر دھرنا دینے پر راضی ہوگئے۔
پاکستان ڈیموکریٹک موومنٹ (پی ڈی ایم) کے احتجاج کے پیش ںظر ریڈ زون کا انٹری پوائنٹ بند کردیا گیا اورسیکیورٹی کے سخت انتظامات کیے گئے۔
سخت انتظامات کے باوجود پولیس پی ڈی ایم کے کارکنوں کو ریڈزون میں داخل ہونے سے روکنے کی کوشش ناکام ہوگئی۔
انصارالاسلام کےرضاکار اور پی ڈی ایم کے کارکنان ریڈ زون میں داخل ہوگئے ، انصارالاسلام کے رضاکار گیٹ پھلانگ کر ریڈ زون میں آئے اور کارکنوں کیلئے گیٹ کھول دیا۔
جس کے بعد پی ڈی ایم کے کارکنان ٹرک اور گاڑیاں لیکر ریڈزون میں داخل ہوگئے۔
پی ڈی ایم کو آج ریڈ زون میں احتجاج اور دھرنے کی اجازت نہیں دی گئی تھی اور وفاقی پولیس نے احتجاج کے لیے آنے والے قافلوں کو سرینا چوک پر روک دیا تھا جب کہ پولیس کا کہنا تھا کہ ریڈ زون جانے کے لیے سرینا چوک کا استعمال کیا جا سکتا ہے۔
خیال رہے پی ڈی ایم میں شامل جماعتوں کے قافلے اسلام آباد کی جانب رواں دواں ہے، قافلوں میں جےیوآئی، ن لیگ کی ضلعی قیادت اور کارکنان شامل ہیں۔
پی ڈی ایم کو آج ریڈ زون میں احتجاج اور دھرنے کی اجازت نہیں دی گئی تھی اور وفاقی پولیس نے احتجاج کے لیے آنے والے قافلوں کو سرینا چوک پر روک دیا تھا جب کہ پولیس کا کہنا تھا کہ ریڈ زون جانے کے لیے سرینا چوک کا استعمال کیا جا سکتا ہے۔
گزشتہ روز وفاقی وزرا اسحاق ڈار اور رانا ثنا اللہ کی جانب سے سپریم کورٹ کے باہر احتجاج نہ کرنے کی درخواست کو سربراہ پی ڈی ایم فضل الرحمان نے مسترد کر دیا تھا۔
