تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

’’ فضل الرحمان بارہویں کھلاڑی نہیں، اپوزیشن اور پی ڈی ایم کے کپتان ہیں‘‘

پی ڈی ایم کے ترجمان حافظ حمد اللہ نے کہا ہے کہ فضل الرحمٰن بارہویں کھلاڑی نہیں بلکہ اپوزیشن اور پی ڈی ایم کے کپتان ہیں۔

پی ڈی ایم کے ترجمان حافظ حمد اللہ نے عمران خان کی جانب سے فضل الرحمٰن کو سیاست کا بارھویں کھلاڑی قرار دینے پر ردعمل دیتے ہوئے کہا ہے کہ فضل الرحمان بارہویں کھلاڑی نہیں بلکہ اپوزیشن اور پی ڈی ایم کے کپتان ہیں۔

ترجمان پی ڈی ایم نے مزید کہا کہ عمران خان آپ کے اقتدار کا سورج غروب ہونے والا ہے، بہتر ہے کہ استعفیٰ دیں اور گھر جائیں۔

ان کا کہنا تھا کہ عمران نیازی کے ہاتھ میں استعفیٰ دینے کے سوا کوئی اور کارڈ نہیں ہے کیونکہ وہ اکثریت کھوچکے ہیں, عمران خان کے اقتدار کا سورج غروب ہونے والا ہے اور آئین کے مطابق وہ وزیراعظم بھی نہیں رہے ہیں۔

واضح رہے کہ اس سے قبل وزیراعظم عمران خان نے اسلام آباد میں صحافیوں سے گفتگو کرتے ہوئے اپوزیشن کو آڑے ہاتھوں لیا تھا۔

عمران خان نے کہا تھا کہ نیوٹرل والی بات کا غلط مطلب لیا گیا، کسی سے کوئی دوریاں نہیں ، آرمی چیف سے دوریوں کی بات غلط ہے، کیا لڑائی سے پہلے ہاتھ کھڑے کردوں ؟ مولانا فضل الرحمان سیاست کے 12ویں کھلاڑی ہیں، عدم اعتماد والا میچ ہم جیتیں گے۔

وزیراعظم کا کہنا تھا کہ کسی بھی صورت استعفیٰ نہیں دوں گا،چوہدری نثار سے ملاقات ہوچکی ہے، ووٹنگ سے ایک دن پہلے اپوزیشن کو سرپرائز ملے گا اور ووٹنگ سے ایک دن پہلے میرا کارڈ سامنے آئے گا۔

Comments

- Advertisement -