لاہور: پی ڈی ایم اے کا کہنا ہے کہ دریائے سندھ میں پانی کی سطح میں مسلسل اضافہ ہو رہا ہے جبکہ پنجاب کے دریاؤں میں طغیانی کی صورتحال برقرار ہے۔
پی ڈی ایم اے کے مطابق 9سے15اگست تک صوبے کے بیشتر اضلاع میں موسم گرم اور مرطوب رہنے کے امکانات موجود ہیں، دریائے سندھ اور ستلج میں نچلے درجے کے سیلاب کی صورتحال برقرار ہے۔
دریائے سندھ میں کالا باغ اورچشمہ کے مقام پر نچلے درجے کا سیلاب ہے، دریائے ستلج میں اسلام ہیڈ پر نچلے درجے کا سیلاب ہے۔
- Advertisement -
پی ڈی ایم اے کے بیان میں مزید کہا گیا ہے کہ دریائے چناب میں خانکی اور تریموں کے مقام پر پانی کی سطح میں اضافہ ہو رہا ہے، منگلا ڈیم میں پانی کی سطح 94 فیصد اور تربیلا ڈیم میں 97 فیصد تک بلند ہو چکی ہے۔
