لاہور: ڈائریکٹر پی ڈی ایم اے نے آنیوالے دنوں میں ہیٹ ویو اور گرمی کی شدت میں اضافے سے جنگلات میں آتشزدگی کے خطرے کا امکان ظاہر کردیا۔
تفصیلات کے مطابق ڈائریکٹر کوآرڈی نیشن کی زیرصدارت ہیٹ ویو اورفاریسٹ فائر سےمتعلق اجلاس ہوا ، جس میں ڈائریکٹرپی ڈی ایم اے طارق محمودبخاری ہدایت کی متعلقہ ادارےہیٹ ویوسےبچاؤ ،انتظامات پرپلان جمع کروائی۔
طارق محمود بخاری نے کہا کہ محکمہ تعلیم بچوں کا امتحانی شیڈول پی ڈی ایم اے کو آگاہ کرے کیونکہ موسمیاتی تبدیلیوں سے ہیٹ ویو اور گرمی کی شدت میں اضافہ ہو سکتا ہے۔
ان کا کہنا تھا کہ گرمی کی شدت بڑھنے سے جنگلات میں آتشزدگی کا سامنا کرنا پڑ سکتا ہے۔
ڈائریکٹرپی ڈی ایم اے نے ہیٹ ویو سےبچاؤکیلئےمحکمہ صحت سمیت دیگر متعلقہ اداروں کو خصوصی ہدایات بھی جاری کردی اور کہا ہیٹ ویو سے بزرگ شہری اور بچے زیادہ متاثر ہو سکتے ہیں،بچاؤ کے لیےشہریوں کو احتیاطی تدابیر پر عمل پیراہوناہوگا۔
