پاکستان الیکٹرانک میڈیا ریگولیٹری اتھارٹی کی جانب سے زیرسماعت کیسز سے متعلق خبریں چلانے پر پابندی لگا دی گئی ہے۔
تفصیلات کے مطابق پیمرا کا اپنے بیان میں کہنا تھا کہ کسی بھی کیس کا حتمی فیصلہ آنے تک ٹی وی چینلز عدالتی سماعت کی خبر نہیں چلائیں گے، کیسز سے متعلق صرف وہ خبریں چلائی جائیں جو عوام کی معلومات کیلئے ہوں۔
پیمرا نے کہا کہ عدالت میں زیرسماعت کیسز سے متعلق صرف وہ معلومات میڈیا کے ذریعے دی جائیں گی جو مفادعامہ کیلئے ہونگی۔
میڈیا کور ریگولیٹ کرنے والے ادارے کی جانب سے یہ بھی ہدایت کی گئی ہے کہ زیرسماعت کیسز سے متعلق اپنی رائے قائم کرنے سے اجتناب کیا جائے۔
پیمرا کا کہنا تھا کہ زیرسماعت کیسز کے حوالے سے پروگرامز میں ایسی گفتگو نہ ہو جس سے تحقیقات یا ٹرائل پر اثر پڑے۔
