اسلام آباد : پاکستان میڈیا ریگولیٹری اتھارٹی (پیمرا) نے سینیٹرحافظ حمد اللہ سے متعلق تمام ٹی وی چینلز کو نوٹس کرتے ہوئے کہا حافظ حمداللہ غیر ملکی ہیں ، تمام ٹی وی چینلزحافظ حمداللہ کو پروگراموں میں مدعونہ کریں۔
تفصیلات کے مطابق پاکستان میڈیا ریگولیٹری اتھارٹی (پیمرا) نے سینیٹرحافظ حمد اللہ سے متعلق تمام ٹی وی چینلز کو نوٹس جاری کردیا اور کہا نادرا نے حافظ حمد اللہ کا شناختی کارڈ منسوخ کردیا، ریکارڈ کے مطابق وہ غیر ملکی ہیں۔
پیمرانے ہدایت کی کہ تمام ٹی وی چینلزحافظ حمداللہ کو پروگراموں میں مدعونہ کریں، ذرائع کا کہنا ہے کہ سینیٹرحافظ حمداللہ افغان شہریت کے حامل ہیں۔
اسلام آباد ہائی کورٹ نے سابق وزیراعظم نواز شریف کی درخواست ضمانت کی سماعت میں پانچ ٹی وی اینکرز کو توہین عدالت کا نوٹس جاری کیا ، چیف جسٹس نے کہا کچھ ٹی وی چینلز نے ڈیل کی بے بنیاد خبر دی۔
مزید پڑھیں : اسلام آباد ہائی کورٹ کا5ٹی وی اینکرزکوتوہین عدالت کانوٹس
اینکرز عدالت کے سامنے اپنی پوزیشن واضح کریں کہ زیرسماعت معاملے کو زیر بحث کیوں لایا گیا ؟ عدالتی احکامات ہیں زیر التوا معاملے کو زیربحث نہ لایا جائے تو پھرکیوں لایا گیا؟
ہائی کورٹ کے رجسٹرار آفس نے 5 اینکرپرسنز کو بھی عدالتی حکم سے بذریعہ فون آگاہ کردیا گیا ہے۔
