سعودی عرب میں کھجور ہر دسترخوان کی زینت ہوتا ہے لیکن آپ کو یہ سن کر حیرت ہوگی کہ اب کھجور سے مہنگے ترین پرفیوم اور شیمپو سمیت دیگر مصنوعات بھی تیار کی جارہی ہیں۔
تفصیلات کے مطابق سعودی عرب میں کھجور کی دنیا میں 30 سال کا تجربہ رکھنے والے سرمایہ کار اور کسان علی الیاسین نے پرفیوم اور شیمپو سمیت 60 مصنوعات تیار کرنے میں کامیابی حاصل کرلی ہے۔
علی الیاسین نے العربیہ ڈاٹ نیٹ کو تفصیلات بتاتے ہوئے کہا کہ میں نے 1998ء میں کھجور کے درخت اگانے اور اس کے اجزاء سے مختلف اشیاء تیار کرنا شروع کردی تھیں۔
انہوں نے کہا کہ پھر 2015ء میں ہم نے کھجور کے پاؤڈر تیار کرکے کھجور کے درختوں کی دنیا میں مینوفیکچرنگ انڈسٹریز کے منصوبے کا آغاز کیا، ہم نے کھجور کو خشک کیا اور ان کی نمی کو ہٹا کر ایک ایسا پاؤڈر بنایا جو سفید شکر کی جگہ لے سکے۔
انہوں نے مزید کہا کہ ان کوششوں کے ضمن ہم آج تک 60 متبادل مصنوعات تیار کرنے میں کامیاب رہے ہیں، جن میں کھجور کے کیپسول، گولیاں، لیکن پرفیوم کا خیال ہماری جدید ترین پروڈکٹ ہے۔
الیاسین نے نشاندہی کی کہ کھجور کے عطر کا خیال کھجوروں کی اہم خصوصیات سے متاثر ہونے کے بعد کیا۔
انہوں نے مزید کہا کہ میں نے بہترین خام سے خوشبو دار تیل شامل کرنے کے علاوہ کھجور سے نکالے گئے بہترین قدرتی عناصر کا استعمال کیا جس سے پرفیوم تیار کیا گیا ہے۔
