اسلام آباد : عمران خان کا ہیلی کاپٹر اتارنے اور ریلی گزرنے کی اجازت دینے کے معاملے پر اہم پیشرفت سامنے آئی ہے، اسلام آباد ہائی کورٹ نے معاملہ انتظامیہ کی صوابدید پر چھوڑ دیا۔
تفصیلات کے مطابق پی ٹی آئی کا حقیقی آزادی مارچ کے جلسے میں اسلام آباد ہائی کورٹ نے سے ریلی گزارنے اور ہیلی کاپٹر اتارنے کی اجازت کی پی ٹی آئی کے درخواست پر تفصیلی فیصلہ جاری کردیا۔
اسلام آباد ہائی کورٹ کے چیف جسٹس عامر فاروق نے چار صفحات پر مشتمل تفصیلی تحریری فیصلہ جاری کردیا جس میں کہا گیا ہے کہ قانون کے مطابق ڈپٹی کمشنر اس حوالے سے مجاز اتھارٹی ہے۔
عدالت کے تحریری فیصلے میں کہا گیا ہے کہ ڈپٹی کمشنر کو اجازت نامہ جاری کرنے کی ہدایت نہیں دے سکتے، این او سی جاری کرنے سے متعلق مجاز اتھارٹی نے ہی فیصلہ کرنا ہے
تحریری فیصلہ یہ سوال کیا گیا ہے کہ کیا یہ عدالت مجاز اتھارٹی کو ہدایات دے سکتی ہے ؟ جس پر پی ٹی آئی کے وکیل عدالت کو مطمئن نہ کر سکے۔
اسلام آباد ہائی کورٹ کے تحریری فیصلے میں کہا گیا ہے کہ عدالت توقع کرتی ہے ڈپٹی کمشنر قانون کے مطابق پی ٹی آئی کی درخواست پر فیصلہ کریں گے۔
مزید پڑھیں : پی ٹی آئی رہنما کا حقیقی آزادی مارچ میں جانے کا انوکھا انداز
واضح رہے کہ پی ٹی آئی کے حقیقی آزادی مارچ کے موقع پر ملک بھر سے قافلوں کی آمد کا سلسلہ جاری ہے، تحریک انصاف کے ووٹر سپوٹرز اور کارکنان کی بڑی تعداد جلسہ گاہ کا رخ کررہی ہے۔
