مکہ مکرمہ میونسپلٹی کے ترجمان اسامہ زیتونی کا اپنے جاری کردہ بیان میں کہنا ہے کہ عازمین حج کی رہائش کے لیے اب تک 2330 عمارتوں کو اجازت نامے جاری کئے گئے ہیں۔
بین الاقوامی خبر رساں ادارے کی رپورٹ کے مطابق مکہ مکرمہ میونسپلٹی کے ترجمان اسامہ زیتونی نے بتایا کہ ’ان عمارتوں میں 360 کمرے ہیں جن میں 15 لاکھ عازمین کی رہائش کی گنجائش موجود ہے‘۔
مکہ مکرمہ میونسپلٹی کے ترجمان اسامہ زیتونی کا کہنا تھا کہ عازمین حج کو رہائش فراہم کرنے والی کمیٹی کی پوری کوشش ہے کہ عازمین کو سلامتی کے تقاضوں کو پورا کرتے ہوئے آرام دہ رہائش فراہم کی جائے۔
انہوں نے کہا ہے کہ اس وقت ایک ہزار عمارتوں کے مالکان اور سرمایہ دار درخواست جمع کرچکے ہیں جن کا کمیٹی کے ذمہ داران معائنہ جاری رکھے ہوئے ہیں۔
انہوں نے کہا کہ معائنہ مکمل ہونے کے بعد جو عمارتیں ضابطوں پر پورا اتریں گی انہیں اجازت نامے جاری کردیئے جائیں گے۔
دوسری جانب وزارت حج و عمرہ نے داخلی عازمین حج کے لیے رجسٹریشن کا آغاز کرنے کے ساتھ ساتھ پیکیجز متعارف کرادیئے۔
رپورٹ کے مطابق سعودی شہری اور مقیم غیر ملکی جو حج کرنے کی اہلیت رکھتے ہیں وہ وزارت کی ویب سائٹ یا نسک ایپ کے ذریعہ رجسٹریشن کراسکتے ہیں۔
وزارت حج وعمرہ کی جانب سے امسال داخلی عازمین حج کے لیے 4 پیکیجز متعارف کرائے ہیں، سب سے سستا پیکیج 4099.75 ریال کا ہے جس میں واٹ شامل ہے۔
9 دن میں 94 ہزار عراقی عمرہ زائرین سعودی عرب پہنچ گئے
دوسرا واٹ سمیت حج پیکیج 8092.55 ریال کا ہے اور تیسرا پیکیج 10366.10 ریال ہے جس میں عازمین کو جدید خیموں میں رہائش کے ساتھ لکژری سروس مہیا کی جائے گی۔
