ہم اکثر و بیشتر یہ فیصلہ نہیں کر پاتے کہ آیا ہمیں کس شعبے کا انتخاب کرنا چاہیے یا کون سا شعبہ ہمارے لیے بہترین ہوسکتا ہے، اسی سلسلے میں ایک ’آپٹیکل الیوژن پرسنلٹی ٹیسٹ‘ آج ہم آپ کے لیے لائے ہیں۔
یہ ایک حقیقت ہے کہ لوگ ایک ہی طرح کی چیزوں یا تصویروں کو ایک دوسرے سے بالکل مختلف طریقے سے دیکھتے ہیں، یا انھیں وہ بالکل مختلف نظر آتی ہیں، اور وہ تصاویر بھی ہر زاویے سے ایک نیا تاثر پیش کرتی ہیں، آپٹیکل الیوژن یعنی بصری دھوکا دیتی تصاویر بھی نفسیاتی تجزیے کے شعبے کا ایک حصہ ہے، کیوں کہ ان کے ذریعے یہ جانا جا سکتا ہے کہ آپ سامنے نظر آنے والی چیزوں کو کس طور دیکھتے اور مفہوم لیتے ہیں۔
کیریئر کے بارے میں کوئی فیصلہ کرنا ایک بڑے عزم کی طرح محسوس ہوتا ہے لیکن اگر آپ نہیں جانتے کہ آپ کیا کرنا چاہتے ہیں، تو پریشان نہ ہوں، اگر آپ نوکری یا کیریئر کا انتخاب کرتے ہیں، تو اس کا یہ مطلب ہرگز نہیں ہے کہ آپ کو اپنی دوسری دلچسپیوں کو چھوڑنا پڑے گا، آپ نوکری کے ساتھ اپنے مشغلے کو بھی جاری رکھ سکتے ہیں۔ اور کچھ لوگوں کا تو یہ ماننا ہے کہ ایک شخص کو کم از کم ہر 7 سال بعد نوکری بدلنی چاہیے۔
تو اپنے صحیح کیریئر کا تعین کرنے کے لیے آپ کے سامنے ہم نے ایک تصویر پیش کی ہے، شخصیت کا یہ آسان بصری ٹیسٹ آپ کے لیے بہترین کیرئیر کا راستہ تلاش کرنے میں آپ کی مدد کرے گا۔
نتائج حاصل کرنے کے لیے آپ کو بس ذیل میں دی گئی تصویر کو غور سے دیکھنا ہے اور اس پر پوری توجہ دینا ہے۔ اگر آپ نے اسے صحیح سے دیکھ لیا ہے تو نیچے جا کر دیکھیں کہ آپ کے دماغ نے اس تصویر سے جس شے کو منتخب کیا وہ کس فیلڈ کی طرف اشارہ کر رہی ہے۔
گھونگھا
کیا آپ نے اس تصویر میں سب سے پہلے گھونگھے کو دیکھا؟ اگر ایسا ہے تو آپ ایسے فیلڈ میں کام کرنے والے ہیں جہاں آپ دوسرے لوگوں کے ساتھ بہت زیادہ وقت گزاریں گے۔
اس لحاظ سے آپ کے ذہن میں آنے والی پہلی نوکری ایچ آر کی ہوگی، لیکن ہم آپ کو بتاتے چلیں کہ یہ واحد آپشن نہیں، کیسی بھی پیشے میں جس میں آپ محنت کرتے ہیں، مہارت رکھتے ہیں، آپ اس میں کامیاب ہو سکتے ہیں۔
کھوپڑی
اگر آپ نے کھوپڑی کو پہلے دیکھا تو آپ فنون لطیفہ میں کیریئر بنانے کے خواہش مند ہو سکتے ہیں۔ یہ ہر شخص کے لیے مختلف ہو سکتا ہے تو ضروی نہیں کہ آپ بھی یہی بنیں۔ یہ آپ ہی صحیح جانتے ہیں کہ آپ کو کس چیز میں مہارت حاصل ہے ۔ آپ گلوکار، اداکار، پینٹر، آرٹ ٹیچر یا مصنف بھی بن سکتے ہیں۔
نقشہ
اگر آپ نے پہلے نقشہ دیکھا تو آپ کو کسی ایسے پیشے میں جانا چاہیے جہاں آپ اپنے تجزیاتی ذہن کو استعمال کر سکیں۔ آپ انجینئر، سائنس دان یا فن تعمیر میں بھی کام کر سکتے ہیں۔
اس ٹیسٹ سے ایک اور بات کا بھی پتا چلتا ہے کہ آپ کا دماغ مشکل مسائل کو حل کرنے میں بہت اچھا ہے، لہٰذا خود پر بھروسا کریں اور کیریئر میں اپنی بہترین صلاحیتوں کا استعمال کر کے دنیا سے خود کو منوالیں۔
