کراچی : ایئرپورٹس سیکورٹی فورس نے پشاور ایئرپورٹ پر کامیاب کارروائی کرتے ہوئے منشیات اسمگلنگ کی کوشش ناکام بنادی۔
اے ایس ایف کے عملے نے فوری طور پر اسمگلنگ کے الزام میں مذکورہ مسافر کو گرفتار کرکے مزید تحقیقات کیلئے اے این ایف کے حوالے کردیا۔
اس حوالے سے اے ایس ایف ذرائع کا کہنا ہے کہ دوحہ جانے والے مسافر سے1.380 کلوگرام آئس ہیروئن برآمد کی گئی جس کی بین الاقوامی منڈی میں قیمت کروڑوں روپے بتائی جاتی ہے۔
- Advertisement -
مسافر عبدالوحید نے ہیروئن بیگ کی تہہ میں مہارت سے چھپا رکھی تھی تاہم اے ایس ایف کے عملے نے سامان کی تلاشی کے دوران منشیات برآمد کرکے اسمگلنگ کی کوششں ناکام بنا دی۔
ملزم کو ابتدائی تفتیش کے بعد برآمد شدہ منشیات سمیت مزید قانونی کارروائی کے لئے اے این ایف حکام کے حوالے کردیا گیا ہے۔
