پشاور میں تھانہ ارمڑ کی حدود میں دھماکا ہوا ہے جس کے نتیجے میں مفتی منیر شاکر جاں بحق ہوگئے۔
اے آر وائی نیوز کے مطابق پولیس کا کہنا ہے کہ پشاور دھماکے میں زخمی ہونے والے چاروں افراد کو اسپتال منتقل کردیا گیا ہے۔
دھماکے کے نتیجے میں مفتی منیر شاکر بھی شدید زخمی ہوئے جنہیں طبی امداد کے لیے اسپتال منتقل کیا گیا جہاں وہ زخموں کی تاب نہ لاتے ہوئے جاں بحق ہوگئے۔
پولیس کا کہنا ہے کہ دھماکا مبینہ طور پر دیسی ساختہ بم کا تھا۔
پولیس کے مطابق بم ڈسپوزل اسکواڈ موقع س شواہد اکٹھے کررہا ہے۔
بعدازاں سی سی پی او قاسم علی خان نے کہا کہ جائے وقوعہ سے شواہد اکٹھے کرلیے ہیں، مفتی منیر شاکر دھماکے کا اصل ہدف تھے۔
انہوں نے کہا کہ پولیس اور سی ٹی ڈی مشترکہ طور پر تفتیش کررہی ہیں۔
