اسلام آباد : وزیر اعظم نواز شریف نے جہاں پشاور میں دہشت گرد حملہ ناکام بنانے پر اطمینان کا اظہار کیا وہیں مردان میں خود کش دھماکے کی مذمت بھی کردی جبکہ آرمی چیف جنرل راحیل شریف نے پشاور کی کرسچن کالونی میں دہشتگردوں کا حملہ ناکام بنانے پر فورسز کو خراج تحسین پیش کیا اور کہا کہ بروقت جوابی کارروائی نے ملک کو بڑے سانحہ سے بچالیا، کئی بے گناہ شہریوں کی جانیں بھی محفوظ رہیں۔
تفصیلات کے مطابق علی الصبح پشاور اور مردان میں دہشت گردی کے واقعات پیش آئے، پہلا واقعہ صوبہ خیبر پختونخوا کے شہر پشاور میں پیش آیا، جہاں ورسک روڈ پر واقع کرسچن کالونی پر دہشت گردوں نے حملے کردیا، جسے سیکیورٹی فورسز نے بروقت کارروائی کرتے ہوئے ناکام بنا دیا اور چار دہشت گردوں کو ہلاک کردیا۔
دوسرا واقعہ صوبہ خیبر پختو نخواہ کے شہر مرادن میں پیش آیا، جہاں مرادن میں ضلع کچہری گیٹ کے قریب خودکش حملہ آور نے خود کودھماکے سے اڑادیا، دھماکے کے نتیجے میں اب تک سات افراد جاں بحق جبکہ پچاس سے زائد زخمی ہیں۔
مردان میں خود کش دھماکہ، سیاسی رہنماؤں کی شدید مذمت
وزیراعلی پنجاب محمد شہبازشریف نے مردان میں ضلع کچہری کے قریب بم دھماکے کی شدید مذمت کی اور قیمتی جانوں کے ضیاع پر دکھ اور افسوس کا اظہار کیا۔
وزیراعلی پنجاب نے جاں بحق ہونے والوں کے لواحقین سے ہمدردی اور اظہار تعزیت کیا اور زخمیوں کی جلد صحت یابی کیلئے دعا کی۔
عوامی تحریک کے سربراہ طاہر القادری نے بھی مردان خود کش دھماکے کی شدید الفاظ میں مذمت کی۔
I strongly condemn the suicide blast in #Mardan and express my deepest grief on loss of precious lives.
— Dr Tahir-ul-Qadri (@TahirulQadri) September 2, 2016
خیبر پختونخوا اسمبلی کے اسپیکر اسد قیصر نے بھی پشاور اور مردان میں دہشتگرد کارروائیوں کی مذمت کی اور کہا کہ دہشتگردوں کے عزائم خاک میں ملا دینگے۔
#Mardan Yet again the courts are the target of a terrorist attack….seems like dispensation of justice threatens their ideology — Asad Umar (@Asad_Umar) September 2, 2016
صوبائی حکومت زخمیوں کی بہترین دیکھ بھال یقینی بنائے @ImranKhanPTI
#Mardan— PTI (@PTIofficial) September 2, 2016
واقعہ خالصتاً سفاکیت اور انتشار انگیزی کی مذموم کوشش ہے. @ImranKhanPTI #Mardan — PTI (@PTIofficial) September 2, 2016
Strongly condemn #Mardan attack ! Prayers go out to the victims
— Aseefa B Zardari (@AseefaBZ) September 2, 2016
Strongly condemn today’s barbaric attacks on innocent people. Heart goes out to the families of deceased & injured #Mardan #Peshawar
— Jahangir Khan Tareen (@JahangirKTareen) September 2, 2016
[چیئرمین تحریک انصاف عمران خان کی مردان میں دہشت گرد حملے کی شدید مذمت. قیمتی جانوں کے ضیاع پر گہرے رنج اور دکھ کا اظہار] #Mardan — PTI Peshawar (@PTIPeshawar) September 2, 2016
قومی وطن پارٹی کے چیئرمین آفتاب شیرپاؤ اور سینئر صوبائی وزیر سکندر شیرپاؤ نے مردان خودکش دھماکے کی مذمت کرتے ہوئے کہا کہ جاں بحق افراد کے لواحقین سے ہمدردی ہے۔
I strongly condemns the suicide blast at #Mardan district courts.
— Aftab Ahmad Sherpao (@aftabasherpao) September 2, 2016
