پشاور: کنٹینر سے 30ٹن آتش گیر مادہ برآمد کرکے ایک شخص کو گرفتار کرلیا گیا، تفصیلات کے مطابق پشاور میں کسٹم انٹیلی جنس نے کنٹینر سے تیس ٹن آتش گیر مادہ برآمد کرکے ایک شخص کو گرفتار کرلیا۔
مذکورہ کارروائی خفیہ اطلاع پرعمل میں لائی گئی، کسٹم انٹیلی جنس اہلکاروں نے جی ٹی روڈ پر کراچی سے پشاور آنے والے کنٹینرکو روکا۔
تلاشی لینے پر کنٹینر میں موجود تیس ٹن آتش گیر مادہ برآمد ہوا۔ برآمد ہونے والا بارودی مواد برتنوں کے کاٹن میں چھپایا گیا تھا، کسٹم اہلکاروں نے آتش گیر مادے کوقبضے میں لے کر ایک شخص کو گرفتارکیاہے۔
کنٹینر سے بر آمد ہونے والے کاغذات میں برتنوں کی ترسیل کا اجازت نامہ لیاگیا تھا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں