پشاور : صوبہ خیبر پختونخوا کے شہر پشاور میں ایک اندوہناک واقعہ پیش آیا ہے، جس میں ایک ماں اپنی چار بچیوں سمیت لقمہ اجل بن گئی۔
تفصیلات کے مطابق پشاور کے علاقے انقلاب کالونی تہکال کے قریب گھر کی چھت گرگئی، چھت کے ملبے میں دب کر5افراد جاں بحق اور دو زخمی ہوئے۔
ریسکیو اہلکاروں اور اہل علاقہ نے امدادی کارروائیاں کرکے جاں بحق ہونے والی ماں اور بچیوں کی لاشوں کو ملبے تلے سے باہر نکالا۔
زخمی ہونے والے دو افراد کو ابتدائی طبی امداد کیلئے خیبر ٹیچنگ اسپتال منتقل کیا گیا، جن کی حالت خطرے سے باہر بتائی جارہی ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں