کراچی: پی ایس ایل 7 کے گیارہویں میچ میں پشاور زلمی نے کراچی کنگز کو 9 رنز سے شکست دے دی، شعیب ملک کو میچ کا بہترین کھلاڑی قرار دیا گیا۔
تفصیلات کے مطابق کراچی کے نیشنل اسٹیڈیم میں کھیلے گئے میچ میں پشاور زلمی کی جانب سے دیے گئے 174 رنز کے تعاقب میں کراچی کنگز کی ٹیم 6 وکٹوں کے نقصان پر 164 رنز بناسکی۔
بابر اعظم کی 90 رنز کی ناٹ آؤٹ اننگز بھی کراچی کنگز کو کامیابی نہ دلوا سکی، شرجیل خان اور صاحبزادہ فرحان بغیر کوئی رن بنائے پویلین لوٹ گئے۔
Big hit Babar 💥 #HBLPSL7 l #LevelHai l #KKvPZ pic.twitter.com/glu6kswern
— PakistanSuperLeague (@thePSLt20) February 4, 2022
این کوک بین 31 رنز بنا کر عثمان قادر کو وکٹ دے بیٹھے، عامر یامین 20 رنز پر ہمت ہار گئے، عماد وسیم کو محمد عمر نے صفر پر پویلین روانہ کیا، محمد نبی 10 رنز بناسکے۔
W o W
Mohammad Umar is setting the pitch on fire 🔥 #HBLPSL7 l #LevelHai l #KKvPZ pic.twitter.com/NR2CbFRgPj— PakistanSuperLeague (@thePSLt20) February 4, 2022
زلمی کی جانب سے محمد عمر نے تین کھلاڑیوں کو پویلین کی راہ دکھائی، شعیب ملک، عثمان قادر اور حسین طلعت نے ایک، ایک وکٹ حاصل کی۔
Kya baat hai yaar!! #HBLPSL7 l #LevelHai l #KKvPZ pic.twitter.com/92XUY2BKCv
— PakistanSuperLeague (@thePSLt20) February 4, 2022
قبل ازیں پشاور زلمی نے مقررہ اوورز میں 4 وکٹوں کے نقصان پر 173 رنز بنائے اور کراچی کنگز کو جیت کے لیے 174 رنز کا ہدف دیا تھا۔
شعیب ملک نے 28 گیندوں پر 52 رنز کی دلکش اننگز کھیلی، حضرت اللہ زازئی 41 رنز بنا کر نمایاں رہے، کامران اکمل 21 رنز بنا کر عمید آصف کو وکٹ دے بیٹھے۔
Malik saaabbbb#HBLPSL7 l #LevelHai l #KKvPZ pic.twitter.com/TqFlae92kE
— PakistanSuperLeague (@thePSLt20) February 4, 2022
حیدر علی 16 رنز پر عامر یامین کا نشانہ بنے، بین کٹنگ 24 رنز بنا کر پویلین لوٹ گئے، ردر فورڈ 9 رنز کے ساتھ ناٹ آؤٹ رہے۔
🔥 #HBLPSL7 I #LevelHai l #KKvPZ pic.twitter.com/zVs9l4JUJY
— PakistanSuperLeague (@thePSLt20) February 4, 2022
کراچی کنگز کی جانب سے عمید آصف نے تین کھلاڑیوں کو پویلین کی راہ دکھائی، عامر یامین ایک وکٹ حاصل کرسکے۔
I am Ironman. @umaid_asif strikes again ⚡️#HBLPSL7 l #LevelHai l #KKvPZ pic.twitter.com/X1SqU2S9fx
— PakistanSuperLeague (@thePSLt20) February 4, 2022
اس سے قبل کراچی کنگز کے کپتان بابر اعظم نے ٹاس جیت کر وہاب ریاض الیون کو پہلے بیٹنگ کی دعوت دی تھی
کراچی کنگز میں دو تبدیلیاں کی گئیں، جو کلارک اور محمد الیاس کی جگہ این کوک بین اور عمران جونیئر کو شامل کیا گیا تھا جبکہ پشاور زلمی نے عارف علی خان کی جگہ محمد عمر کو اسکواڈ کا حصہ بنایا تھا۔
بابر اعظم کا کہنا تھا کہ پہلے بیٹنگ کرکے بڑا اسکور نہیں کرسکے اسی وجہ سے فیلڈنگ کا فیصلہ کیا ہے، کوشش کریں گے جلدی وکٹیں حاصل کریں۔
Karachi have won the toss and chosen to bowl first. Here are the updated squads for both teams: #HBLPSL7 l #LevelHai l #KKvPZ 🌸 pic.twitter.com/h802ZThIon
— PakistanSuperLeague (@thePSLt20) February 4, 2022
وہاب ریاض کا کہنا تھا کہ ٹاس جیتتے تو پہلے بیٹنگ ہی کرتے، کراچی کنگز کو بڑا ہدف دینے کی کوشش کریں گے۔
پشاور زلمی کو کراچی کنگز کے خلاف برتری حاصل ہے، دونوں ٹیموں کے درمیان پندرہ میچز ہوئے، جن میں سے دس میں پشاور نے میدان مارا جبکہ پانچ میں کراچی کامیاب رہا۔
یاد رہے کہ گذشتہ روز پی ایس ایل 7 کے دسویں میچ میں اسلام آباد یونائیٹڈ نے کوئٹہ گلیڈی ایٹرز کو 43 رنز سے شکست دی تھی۔
