The news is by your side.

Advertisement

پشاور: پولیس اسٹیشن پر دستی بم حملہ،3 اہلکار زخمی

پشاور: صوبائی دارالحکومت میں پولیس اسٹیشن پر دستی بم حملہ کیا گیا ہے، اے آر وائی نیوز نے واقعے کی سی سی ٹی وی ٖفوٹیج حاصل کرلی ہے۔

اے آر وائی نیوز کے مطابق پشاور میں واقع پھندو تھانے پر علی الصبح دستی بموں سے حملہ کیا گیا، حملے کے نتیجے میں 3 پولیس اہلکار زخمی ہوئے، ابتدائی اطلاعات کے مطابق تھانے پر 2 دستی بم حملے کئے گئے۔

اے آر وائی نیوز نے تھانے پر دستی بم حملے کی سی سی ٹی وی فوٹیج حاصل کرلی ہے، فوٹیج میں دیکھا جاسکتا ہے کہ صبح 6 بجکر24 منٹ پر ایک نقاب پوش شخص تھانے کے سامنے آیا اور اس نے یکے بعد دیگرے دو بم تھانے پر پھینکے اور با آسانی فرار ہوگیا۔

سی سی ٹی وی میں دیکھا جاسکتا ہے کہ حملہ آور کا ہدف تھانہ پھندو ہی تھا۔

یہ بھی پڑھیں: پولیس کی گاڑی کو بم سے اڑانے کی کوشش ناکام

واقعے کے بعد زخمی اہلکاروں کو طبی امداد کے لئے اسپتال منتقل کیا گیا جبکہ بم ڈسپوزل اسکواڈ بھی فوری طور پر جائے حادثے پر پہنچا اور شواہد اکھٹے کئے۔

واضح رہے کہ دو روز قبل کوئٹہ میں سب انسپکٹر ٹریفک پولیس کی گاڑی کو مقناطیسی بم سے اڑانے کی کوشش کو ناکام بنایا گیا تھا۔

محکمہ انسداد دہشت گردی (سی ٹی ڈی) بلوچستان کے ترجمان کے مطابق تخریب کاروں ن گاڑی کے نیچے ایک کلو گرام مقناطیسی آئی ای ڈی لگایا گیا تھا، تاہم بم ڈسپوزل اسکواڈ نے آئی ای ڈی کو ناکارہ بنایا۔

Comments

یہ بھی پڑھیں