The news is by your side.

Advertisement

اشیائےخورد ونوش کی قیمتوں میں ہوشربا اضافے پر وفاق سے جواب طلب

کراچی: کراچی کی عدالت نے اشیائےخوردونوش کی قیمتوں میں ہوشربا اضافے پر وفاق سے جواب طلب کرلیا ہے۔

تفصیلات کے مطابق سندھ ہائی کورٹ میں اشیائے خورد ونوش کی قیمتوں میں ہوشربا اضافے کیخلاف درخواست کی سماعت ہوئی، سماعت کے دوران وفاقی حکومت کی جانب سےجواب داخل نہ کرنےپر عدالت نے اظہار برہمی کیا، عدالت نے ڈپٹی اٹارنی جنرل صاحب سے استفسار کیا کہ وفاقی ادارےجواب کیوں جمع نہیں کراتے؟، باربارنوٹسز جاری ہوچکے،آخرکب جواب جمع کرائیں گے؟

اس موقع پر ڈپٹی اٹارنی جنرل نے عدالت کو بتایا کہ آئندہ سماعت پر جواب کو یقینی بنائیں گے، جس پر عدالت نے وفاق سے آئندہ سماعت پرجواب طلب کرلیا۔

اس سے قبل عدالت میں درخواست گزار کی جانب سے موقف اپنایا گیا تھا کہ عوام کیلئے بنیادی اشیا کی خریداری مشکل ہوچکی، وفاق سے پوچھا جائے کہ مہنگائی کو کیوں نہیں روکا جارہا؟حکومتی ادارے ناکام ہوچکے، عدالت عمل داری کاحکم دے۔

Comments

یہ بھی پڑھیں