اسلام آباد: اسلام آباد ہائیکورٹ میں عمران خان کی ناقابل ضمانت وارنٹ کیخلاف درخواست دائر کردی گئی ، جس میں آج ہی سماعت کی استدعا کی گئی ہے۔
تفصیلات کے مطابق اسلام آباد ہائی کورٹ میں پی ٹی آئی چیئرمین عمران خان کے ناقابل ضمانت وارنٹ کے خلاف درخواست دائر کردی گئی۔
عمران خان نے علی بخاری ایڈووکیٹ کے ذریعے ہائی کورٹ میں درخواست دائر کی، جس میں ایڈیشنل سیشن جج کےوارنٹ گرفتاری سےمتعلق فیصلے کو کالعدم قرار دینے کی استدعا کی گئی ہے۔
عمران خان کی جانب سے ناقابل ضمانت وارنٹ منسوخ کرنےکی درخواست پر آج ہی سماعت کی استدعا کی گئی ہے۔
توشہ خانہ کیس میں مقامی عدالت نے عمران خان کی وارنٹ گرفتاری جاری کررکھے ہیں، عمران خان نے وارنٹ گرفتاری کی منسوخی کے لیے ڈسٹرکٹ کورٹ سے رجوع کیا تھا۔
گزشتہ روز مقامی عدالت نے عمران خان کی وارنٹ کی منسوخی کی درخواست مسترد کی تھی۔
Comments
- Advertisement -
