سکھر: پی ٹی آئی کی جانب سے مسلم لیگ ن کی چیف آرگنائزر مریم نوازکیخلاف بغاوت کا مقدمہ درج کرانے کیلئےدرخواست دائر کردی گئی۔
تفصیلات کے مطابق چیف آرگنائزر مریم نوازکیخلاف بغاوت کا مقدمہ درج کرانے کیلئےدرخواست دائر کردی گئی۔
پی ٹی آئی ضلعی صدر ایڈووکیٹ ظہیربابر نے ڈسٹرکٹ اینڈسیشن کورٹ میں درخواست دائر کی
جس میں مؤقف اختیار کیا گیا کہ مریم نوازمعززعدلیہ کےخلاف جلسوں میں ہرزہ سرائی کررہی ہیں، اداروں اور عدلیہ کے خلاف مریم نواز کی جانب سے نفرت انگیز تقاریر کی جارہی ہے۔
درخواست میں استدعا کی گئی کہ مریم نواز کے خلاف قانون کے مطابق کارروائی کی جائے۔
بعد ازاں وکیل ظہیر بابر نے بتایا کہ عدالت نے درخواست قابل سماعت قرار دےکر سماعت کیلئے مقرر کردی اور ایس ایس پی سکھر ، ڈپٹی ڈائریکٹر ایف آئی اے سائبر کرائم کو نوٹسز جاری کردیے۔
عدالت نے مریم نوازکیخلاف بغاوت کا مقدمہ درج کرانے کیلئےدرخواست 5 مارچ کو سماعت کےلئے مقرر کردی۔