The news is by your side.

Advertisement

محسن بیگ کی اہلیہ کی شوہر کو حبس بے جا میں رکھنے کیخلاف درخواست دائر

اسلام آباد : محسن بیگ کی اہلیہ نے شوہر کو حبس بے جامیں رکھنے کیخلاف اسلام آباد ہائیکورٹ میں درخواست دائر کردی۔

تفصیلات کے مطابق محسن بیگ کوحبس بے جا میں رکھنے کیخلاف درخواست دائر کردی گئی ، محسن بیگ کی اہلیہ نےاسلام آباد ہائی کورٹ میں درخواست دائر کی۔

درخواست میں سیکریٹری داخلہ، آئی جی ، ڈی جی ایف آئی اے ، ایس ایچ اومارگلہ، ایڈیشنل ڈائریکٹر ایف آئی اے، ریاست اوردیگر کو فریق بنایا گیا ہے۔

درخواست میں کہا گیا ہے کہ درخواست گزار کے خاندان کو سیاسی انتقام کا نشانہ بنایا گیا ، محسن بیگ کو پولیس اور ایف آئی اے نے غیر قانونی حراست میں لیا۔

یاد رہے گزشتہ روزاسلام آباد میں ایک گھنٹے تک ڈرامہ اور پولیس پر فائرنگ کے بعد محسن بیگ کو گرفتار کیا گیا تھا ، ایف آئی اے ٹیم محسن بیگ کو گرفتار کرنے پہنچی تو انھوں نے پستول تان لی، اہلکار کو یرغمال بنالیا، بٹ مارے اور سیدھی گولی چلائی۔

بعد ازاں ملزم کے خلاف دہشت گردی ایکٹ کے تحت مقدمہ درج کیا گیا اور انسداد دہشتگردی عدالت اسلام آباد نےمحسن بیگ کا تین روزہ جسمانی ریمانڈ دے دیا تھا۔

خیال رہے حمزہ بیگ کوآج انسداددہشت گردی عدالت میں پیش کیاجائےگا، حمزہ بیگ کو ایف آئی اےاہلکاروں پرفائرنگ اورتشدد پر گرفتار کیا گیا تھا۔

چھاپے کے دوران حمزہ بیگ نےوالدکیساتھ مل کر ایف آئی اے اہلکاروں پرفائرنگ کی اورتشدد کیا جبکہ ایف آئی اے نے گھر سے کمپیوٹر،یوایس بی اورکچھ دستاویز قبضے میں لے لیں۔

Comments

یہ بھی پڑھیں