اسلام آباد : بانی پی ٹی آئی کو اڈیالہ سے خیبرپختونخوا جیل منتقل کرنے کی درخواست خارج کرتے ہوئے درخواست گزار پر 20 ہزار روپے جرمانہ عائد کردیا گیا۔
تفصیلات کے مطابق سپریم کورٹ میں بانی پی ٹی آئی کو اڈیالہ جیل سے کے پی کی جیل منتقل کرنے کی درخواست پر سماعت ہوئی، جسٹس امین الدین خان کی سربراہی میں 7 رکنی آئینی بینچ نے سماعت کی۔
سپریم کورٹ آئینی بنچ نے عمران خان کو اڈیالہ سے خیبرپختونخوا جیل منتقل کرنے کی درخواست ناقابل سماعت قرار دے کر خارج کردی اور درخواست گزار عبدالقیوم خان پر 20 ہزار روپے جرمانہ عائد کردیا۔
عدالت نے کہا کہ بے بنیاد درخواست پر جرمانہ عائد کیا جاتا ہے تو درخواست گزار کا کہنا تھا کہ میں ملک کے امن کیلئے آیا ہوں۔
جسٹس امین الدین خان نے سوال کیا آپ کااس معاملے سے کیا تعلق ہے؟ جسٹس جمال خان مندوخیل نے ریمارکس دیے آپ پارلیمنٹ سے جاکر ملک کیلئے کام کروائیں، یہ پالیسی میٹر ہے۔
یاد ہے شہری نے سیکیورٹی وجوہات پر عمران خان کی کے پی جیل منتقلی کی درخواست دائر کی تھی۔
