تازہ ترین

یکم فروری سے قبل پیٹرول کی قیمت میں اضافے کا ملبہ مصنوعی قلت اور ذخیرہ اندوزی پر ڈال دیا گیا

اسلام آباد: یکم فروری سے قبل پیٹرول کی قیمت میں اضافے کا ملبہ مصنوعی قلت اور ذخیرہ اندوزی پر ڈال دیا گیا۔

اے آر وائی نیوز کے مطابق وفاقی حکومت نے آئی ایم ایف کی ایک اور شرط پوری کر دی ہے، پیٹرولیم مصنوعات کی قیمتوں میں یکم فروری سے پہلے ہی بڑا اضافہ کر دیا گیا ہے، اور اس کا ملبہ مصنوعی قلت اور ذخیرہ اندوزی پر ڈال دیا گیا۔

ذرائع کا کہنا ہے کہ قیمتوں میں اضافے سے قبل پیٹرول کی مصنوعی قلت اور ذخیرہ اندوزی کی گئی، اس کے بعد وفاقی حکومت نے مصنوعی قلت اور ذخیرہ اندوزی روکنے کی بجائے قیمتیں ہی بڑھا دیں۔

حکومت نے مہنگائی کا بم گرا دیا، پٹرول اور ڈیزل 35 روپے لیٹر مہنگا

ملک میں وافر ذخیرہ ہونے کے باوجود پیٹرول کی قلت اور ذخیرہ اندوزی پر قابو نہیں پایا گیا۔

حکام کا کہنا ہے کہ ملک میں پیٹرول اور ڈیزل کا وافر ذخیرہ موجود ہے، پیٹرول کی طلب پوری کرنے کے لیے 18 روز کا ذخیرہ موجود ہے، جب کہ ڈیزل کی طلب پوری کرنے کے لیے 37 روز کا ذخیرہ دستیاب ہے۔

Comments

- Advertisement -