مہنگائی کے دلدل میں پھنسی عوام کے لیے اچھی خبر ہے کہ پٹرولیم مصنوعات کی قیمتوں میں بڑی کمی کا امکان ہے۔
اطلاعات کے مطابق پٹرول 40 روپے فی لیٹرسستا ہونے کا امکان ہے جب کہ ڈیزل کی فی لیٹرقیمت میں 15 روپے کمی ہو سکتی ہے۔
نگران وفاقی حکومت آج نئی قیمتوں کا اعلان کرے گی۔ اس حوالے سے وزارت خزانہ نگران وزیراعظم کی جانب سے حتمی منظوری کی منتظر ہے۔
عالمی منڈی میں ڈیزل کی قیمت 8 ڈالر کم ہو کر 118 ڈالر فی بیرل پر آگئی ہے جبکہ پیٹرول کی قیمت 10 ڈالر کمی سے 104 ڈالر فی بیرل پر آگئی ہے۔
معاشی ماہرین کے مطابق پاکستانی روپے کی قدر میں مسلسل بہتری کے باعث بھی پیٹرولیم مصنوعات کی قیمتیں کم ہوسکتی ہیں مگر حتمی فیصلہ نگران حکومت کی جانب سے 15 اکتوبر کو کیا جائے گا۔
واضح رہے کہ 30 ستمبر کو نگران حکومت کی جانب سے عوام کو ریلیف دیتے ہوئے پیٹرول کی قیمت میں 8 روپے کی کمی گئی تھی، جبکہ ہائی اسپیڈ ڈیزل کی قیمت میں بھی 11روپے کی کمی کا فیصلہ کیا گیا تھا۔
