The news is by your side.

Advertisement

پیٹرول کی فی لیٹر قیمت میں‌ کمی کا امکان

اسلام آباد: آئل اینڈ گیس ریگولیٹری اتھارٹی (اوگرا) نے پیٹرولیم مصنوعات کی قیمتوں میں ردوبدل کی سمری وزارتِ خزانہ کو ارسال کردی۔

اے آر وائی نیوز کو ذرائع سے ملنے والی اطلاعات کے مطابق یکم اپریل سے پٹرول ڈیڑھ روپے فی لیٹرتک سستاہونےکا امکان ہے جبکہ ڈیزل کی قیمت میں ڈھائی روپے فی لیٹر کمی ہوسکتی ہے۔

ذرائع کے مطابق حکومت نے لیوی بڑھائی تو ماہ اپریل میں پیٹرولیم مصنوعات کی قیمتیں برقرار رہ سکتی ہیں۔

یہ بات بھی سامنے آئی ہے کہ ایک لیٹرپٹرول پر 11روپے 23پیسے پٹرولیم لیوی عائد ہے، اسی طرح ایک لیٹر ڈیزل پر 12روپے 74پیسے پٹرولیم لیوی عائد ہے۔

اوگرا کی جانب سے ارسال کی جانے والی سفارش پر وزیراعظم سے مشاورت کی جائے گی جس کے بعد وزارتِ خزانہ حتمی فیصلے کا اعلان کرے گا۔

ذرائع کے مطابق اوگرا نے ماہ اپریل میں پٹرولیم مصنوعات قیمتوں میں ردوبدل کی سمری پٹرولیم ڈویژن کو ارسال کردی ہے، جس کو منظوری ملنے کے بعد نئے نرخ کا اعلان کیا جائے گا۔

واضح رہے کہ اوگرا کی جانب سے ہر ماہ 15 روز کے لیے قیمتوں میں ردوبدل کی سمری وزارت خزانہ کو ارسال کی جاتی ہے، وزیراعظم عمران خان نے 15 مارچ کو موصول ہونے والی سمری کو مسترد کرتے ہوئے پیٹرول کی فی لیٹر قیمت برقرار رکھنے کا اعلان کیا تھا۔

Comments

یہ بھی پڑھیں