اسلام آباد : بجٹ کے بعد پیٹرول کی قیمتوں میں کمی کے حوالے سے عوام کے لئے بڑی خوشخبری آگئی۔
تفصیلات کے مطابق عالمی منڈی میں پیٹرولیم مصنوعات کی قیمتوں میں کمی کے باعث پاکستانی عوام کو ریلیف ملنے کا امکان ہے۔
حکومت کی جانب سے مسلسل چوتھی بار پیٹرول کی قیمتوں میں کمی کا امکان ظاہر کیا جارہا ہے۔
ذرائع نے بتایا ہے کہ ایک لیٹر پٹرول 9 روپے اورہائی اسپیڈ ڈیزل 4 روپے سستا کرنے کی تجویز سامنے آئی ہے جبکہ مٹی کا تیل فی لیٹر 2روپے اورلائٹ اسپیڈ ڈیزل 4روپے سستا کرنے کی بھی تجویز ہے.
ذرائع کا کہنا ہے کہ وزیر اعظم کی منظوری کے بعد پٹرولیم مصنوعات کی قیمتوں کا اعلان 15 جون کو کیا جائے گا۔
31 مئی کو وزیر اعظم شہباز شریف کی منظوری کے بعد پیٹرولیم مصنوعات کی قیمتوں کا نوٹیفکیشن جاری کیا گیا تھا ، جس کے مطابق پیٹرول کی قیمت میں 4.74 روپے جبکہ ہائی اسپیڈ ڈیزل کی قیمت میں 3.86 روپے فی لیٹر کمی کی گئی۔
اس سے قبل وزیر اعظم ہاؤس سے پیٹرول 15.40 جبکہ ڈیزل 7.90 روپے فی لیٹر سستا کرنے کا غلط اعلان کیا گیا تھا۔
