تحریک انصاف کے مرکزی رہنما اسدعمر نے کہا ہے کہ پیٹرولیم مصنوعات کی قیمتیں برقرار رکھ کر شہبازشریف نے عمران خان کےفیصلےکی توثیق کی ہے۔
اے آر وائی نیوز کے پروگرام سوال یہ ہے میں گفتگو کرتے ہوئے اسدعمر نے کہا کہ حکومت نےعمران خان پر الزام لگایا کہ پیٹرول کی قیمت کیوں نہیں بڑھائی کہا گیا عمران خان نےسستی شہرت کیلئےپیٹرول کی قیمت نہیں بڑھائی شہبازشریف نے بھی پیٹرول کی قیمتیں نہیں بڑھائیں اب کیا ہوا؟
انہوں نے کہا کہ روس یوکرین جنگ کی وجہ سےعالمی مارکیٹ میں قیمتیں بڑھیں عمران خان نےفیصلہ کیاکہ وقتی طور پر قیمتیں برقرار رکھنی چاہئیں عمران خان نےوزیراعظم ہوتے ہوئے قیمتیں برقرار رکھیں شاہدخاقان اور مفتاح اسماعیل کےالزامات درست نہیں ہیں۔
اسدعمر کا کہنا تھا کہ عمران خان کیخلاف غیرفطری اتحاد بنا تھا اب عمران خان حکومت میں نہیں دیکھتےہیں اتحاد کتنے دن چلتا ہے نجی محافل میں بیٹھ کریہ ایک دوسرےکوکیاکہتےہیں سب کوپتہ ہے 4 دن ہو گئےکابینہ نہیں بنائی جا رہی یہ لوگ آگےملک کیسےچلائیں گے پی ٹی آئی حکومت میں ایسے4دن گزرتےتوپتہ نہیں کیا کچھ کہا جاتا اب میڈیا بھی خاموش ہے ہمیں تو میڈیا کہتا تھا یہ نااہل ہیں۔
