امریکی ملٹی نیشنل فارماسیوٹیکل اور بائیو ٹیکنالوجی کمپنی فائزر کی تیار کردہ کرونا ٹیبلٹ کو یورپی کمیشن سے حتمی منظوری مل گئی۔
یورپی کمیشن نے جمعہ کو فائزر کمپنی کی تیار کردہ اینٹی وائرل دوا (گولی کی صورت میں) کو کرونا انفیکشن کے علاج کے لیے منظوری دے دی ہے۔
گزشتہ روز خطے کے ہیلتھ ریگولیٹر نے اس ٹیبلٹ کی کرونا کے علاج کے لیے توثیق کی تھی، اب اس اقدام سے یورپی یونین کے رکن ممالک کے لیے اس امید افزا علاج کی وسیع دستیابی یقینی ہو جائے گی۔
اومیکرون کے خلاف ویکسین، فائزر نے خوشخبری سنا دی
یورپی یونین (EU) کی ایگزیکٹو باڈی کی طرف سے اس حتمی منظوری کی خبر ای یو ہیلتھ کمشنر اسٹیلا کیریاکائڈز نے ٹویٹ کے ذریعے دی۔
Important #COVID19 therapeutics news today ➡️@EU_Commission has authorised the use of Paxlovid in 🇪🇺
A key step in bringing the most promising therapeutics 💊💊to citizens and a strong, second line of defence against the pandemic after vaccination. pic.twitter.com/xBjzNpGANf
— Stella Kyriakides (@SKyriakidesEU) January 28, 2022
ایک طرف کرونا وائرس کے نئے ویرینٹ اومیکرون کا تیزی سے پھیلاؤ جاری ہے، تو دوسری طرف یورپی یونین اس سے بچاؤ کا دفاعی نظام مضبوط بنا رہا ہے۔