فلپائن نے اپنی جنگی صلاحیتوں میں اضافہ کرنے کیلیے جنوبی کوریا سے ایف اے 50 لڑاکا طیارے خریدنے کا بڑا معاہدہ کر لیا۔
العربیہ پر شائع خبر رساں ایجنسی اے ایف پی کی رپورٹ کے مطابق جنوبیہ کوریائی کمپنی کوریا ایرو اسپیس انڈسٹریز نے فلپائن کے ساتھ معاہدہ ہونے کی تصدیق کر دی۔
کوریا ایرو اسپیس انڈسٹریز نے بتایا کہ فلپائن حکومت نے 12 سے زائد ایف اے 50 لڑاکا طیارے خریدنے کیلیے معاہدے پر دستخط کر دیے، معاہدہ 700 ملین ڈالر میں ہوا، طیارے کی فراہمی 2030 تک مکمل کی جائے گی۔
یہ بھی پڑھیں: ٹرمپ کا 6 جنریشن لڑاکا طیارے F-47 کی تیاری کا اعلان
فلپائن حکومت نے اب تک معاہدے کی تصدیق نہیں کی لیکن اس نے 2014 میں کمپنی سے ایک درجن لڑاکا طیارے خریدے تھے۔
کوریا ایرو اسپیس انڈسٹریز نے جاری بیان میں بتایا کہ ایف اے 50 لڑاکا طیاروں میں فضائی ایندھن بھرنے اضافی رینج، (ایکٹو الیکٹرانک اسکینڈ اری) ریڈار اور فضا سے فضا جبکہ فضا سے زمین پر جدید ہتھیاروں کے نظام شامل ہیں۔
فلپائن کا ایک طیارہ 4 مارچ 2025 کو اُس وقت لاپتا ہوگیا تھا جب وہ جنوبی جزیرے منڈاناؤ کے ایک پہاڑی علاقے میں مدد فراہم کرنے کے مشن پر تھا۔ بعد میں امدادی کارکنوں کو طیارے کا ملبہ اور عملے کے دو افراد کی لاشیں ملی تھیں۔
طیاروں کو عارضی طور پر گراؤنڈ کرنے کے بعد فلپائنی فضائیہ نے طیارے کے ساتھ کسی بھی میکانکی مسائل کو مسترد کیا تھا۔
ترجمان فضائیہ ماریا کونسیلو کاسٹیلو نے اپریل میں ایک پریس کانفرنس میں بتایا تھا کہ اضافی ایف اے 50 طیاروں کی خریداری زیر غور ہے۔
