سابق کرکٹر مشتاق احمد کی بیٹی رشتہ ازدواج میں منسلک ہوگئیں جس کی تصاویر سوشل میڈیا پر وائرل ہوگئی۔
قومی کرکٹ ٹیم کے سابق کھلاڑی مشتاق احمد کی بیٹی رشتہ ازدواج میں منسلک ہوگئیں، جس کی تصاویر و ویڈیو فوٹوگرافر کی جانب سے شیئر کی گئی ہے۔
مشتاق احمد کی بیٹی حبیبہ کے نکاح کی تقریب انتہائی نجی نوعیت کی تھی جس میں قریبی رشتے دار اور چند دوستوں کو مدعو کیا گیا تھا، اس تقریب میں وقار یونس بھی اپنی فیملی کے ہمراہ شریک ہوئے جس کی تصویر بھی سامنے آئی۔
View this post on Instagram
رپورٹ کے مطابق سابق کرکٹر مشتاق احمد کی بیٹی حبیبہ مشتاق کا نکاح انٹریئیر ڈیزائنر کے کاروبار سے منسلک محمد دیان سے کیا گیا، مشتاق احمد نے بیٹی کا نکاح خود پڑھایا۔
View this post on Instagram
رپورٹ کے مطابق سابق کرکٹر مشتاق احمد کی بیٹی کی رخصتی کی تقریب 20 ستمبر کو لاہور میں ہوگی۔
واضح رہے کہ مشتاق احمد قومی ٹیم کے مایہ ناز اسپنر تھے اور وہ 1992 ورلڈکپ میں بھی پاکستان ٹیم کا اہم حصہ تھے، انہوں نے اپنے کیرئیر میں پاکستان کرکٹ بورڈ میں بطور ٹیم کوچ بھی خدمات انجام دیں۔
