The news is by your side.

Advertisement

پی آئی اے کا نئے یورپی جہازوں کیساتھ برطانیہ اور فرانس سے پاکستان کیلئے آپریشن کا اعلان

اسلام آباد : پی آئی اے نے نئے یورپی جہازوں کیساتھ برطانیہ اور فرانس سے پاکستان کیلئے آپریشن کا اعلان کردیا اور کہا خصوصی چارٹرڈ پروازوں کے ذریعے مسافروں کو وطن پہنچایا جائے گا۔

پی آئی اے نے متبادل ذرائع سے برطانیہ اور فرانس سے پاکستان کیلئے آپریشن شروع کرنے کا اعلان کرتے ہوئے کہا نئے یورپی جہازوں کیساتھ 30 اکتوبر سے برطانیہ اور فرانس سے پروازیں آپریٹ کی جائیں گی۔

اسلام آباد تا لندن، لاہور تا لندن،اسلام آبادتامانچسٹرپروازیں براہ راست چلیں گی جبکہ پی آئی اےپیرس سےبھی اسلام آباد اور لاہورکیلئےبراہ راست پروازیں آپریٹ کرے گی۔

فرانس کی جی ایس اے خصوصی چارٹرڈ پروازوں کے ذریعے مسافروں کو وطن پہنچائے گی ، سی اے اے نے ہائی فلائی کو لاہور،اسلام آباد ایئرپورٹ پر لینڈنگ کی اجازت دے دی ہے، 30 اکتوبر سے 29جنوری2021 تک کی لینڈنگ کی اجازت دی گئی ہے۔

اس حوالے سے سی اے اے کے ڈائریکٹر ایئر ٹرانسپورٹ نے باضابطہ نوٹیفکیشن جاری کردیا ، پی آئی اے نے سی اےاے کو چارٹرڈپروازوں کی لینڈنگ کی اجازت کیلئےدرخواست دی تھی۔

سی اے اے کا کہنا ہے کہ چارٹرڈپروازیں حکومت کےایس او پیزپر مکمل عمل درآمد کریں گی، پی آئی اےہائی فلائی چارٹرڈپروازوں کےذریعےمسافروں کو برطانیہ،فرانس سے پاکستان پہنچائے گی۔

Comments

یہ بھی پڑھیں