pia پی آئی اے انجینئرز کا کارنامہ، اے-320 جہازکا پہلا چیک اے مکمل plane
The news is by your side.

Advertisement

پی آئی اے انجینئرز کا کارنامہ، اے-320 جہازکا پہلا چیک اے مکمل

اسلام آباد : پی آئی اے کے انجینئرز نے اہم سنگ میل عبور کرتے ہوئے اے-320 جہاز کا پہلا چیک اے مکمل کرلیا۔ سردار مہتاب کا کہنا ہے کہ پی آئی اے کے انجینئیرز ہمارا اثاثہ ہیں۔

تفصیلات کے مطابق بےنظیر انٹرنیشنل ائیرپورٹ اسلام آباد پر پہلے جہاز کی مرمت سازی کے حوالے سے تقریب کا انعقاد کیا گیا، تقریب کے مہمان خصوصی مشیر ہوا بازی سردار مہتاب تھے۔

تقریب سے خطاب کرتے ہوئے سردار مہتاب نے پہلے جہاز کی مرمت سازی پی آئی اے کے چئیرمین، سی ای او اور انجینئیرز کو مبارکباد دی، انہوں نے کہا کہ پہلے جہازوں کی مرمت کا کام صرف کراچی میں ہوتا تھا، اب اسلام آباد میں بھی جہازوں کی مرمت سازی سے ادارے کو وقت اور پیسے کی بھی بچت ہوگی۔

سردار مہتاب کا مزید کہنا تھا کہ پی آئی اے کے انجینئیرز ہمارا اثاثہ ہیں، پی آئی اے کے انجینئرز نے کم وقت میں زبردست نتائج دئیے۔


مزید پڑھیں: پی آئی اے فلائٹ سروس نے جدید آئی ایس او سرٹیفکیٹ حاصل کرلیا


واضح رہے کہ اے 320 جہاز کو 750 اُڑانوں کے بعد چیک اے کیا جاتا ہے، قومی ائیر لائن کے انجینئرز نے ایک سال کے کم عرصہ میں منصوبہ مکمل کیا، مُلکی اور غیر مُلکی جہازوں کی مرمت سے سرمائے میں بھی اضافہ ہوگا۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

comments

یہ بھی پڑھیں