کراچی : ایئر لائنز نے یو اے ای کے لیے فضائی آپریشن تاحکم ثانی معطل کرتے ہوئے مسافروں کیلئے ہدایات جاری کردیں۔
تفصیلات کے مطابق متحدہ عرب امارات (یواےای) میں طوفانی بارشوں سےدبئی اور شارجہ کیلئےفضائی آپریشن شدید متاثر ہیں۔
پی آئی اے سمیت دیگر ایئر لائنز نے یو اے ای کے لیے فضائی آپریشن تاحکم ثانی معطل کردیا۔
- Advertisement -
پی آئی اے نے یوا ے ای کے لیے سفر کرنے والے مسافروں کیلئےہدایات جاری کر دیں، جس میں ترجمان نے کہا ہے کہ کچھ پروازوں کو خراب موسم کےباعث تاخیر اورمنسوخی کا سامنا ہے۔
ترجمان کا کہنا تھا کہ صورتحال بحال ہوتے ہی پی آئی اے اپنا فضائی آپریشن کا فی الفور آغاز کر دے گا، متاثرہ پروازوں کے مسافر کال سینٹر سے رابطے میں رہیں۔
