پی آئی اے لندن آفس نے قومی خزانے کو اربوں کا ٹیکہ لگا دیا

قومی ایئر لائن کے لندن میں قائم دفتر کی بدانتظامی کی وجہ سے قومی خزانے کو اربوں کا ٹیکہ لگ گیا جس کا آڈٹ رپورٹ میں انکشاف ہوا ہے۔

اے آر وائی نیوز کے مطابق آڈٹ رپورٹ میں پی آئی اے لندن آفس میں مالی بدانتظامیوں کا انکشاف ہوگیا۔ لندن آفس نے قومی خزانے کو 2 ارب 71 کروڑ روپے سے زائد کا ٹیکہ لگا دیا۔

رپورٹ کے مطابق 2017 سے 2021 تک عملے کی مبینہ غفلت سے 2 ارب سے زائد کا نقصان ہوا۔ ناقص منصوبہ بندی اور ملازمین کی غفلت سے 2 ارب 71 کروڑ روپے بطور جرمانہ ادا کرنے پڑے۔

آڈٹ رپورٹ میں مزید بتایا گیا کہ 2 ارب سے زائد جرمانے مسافروں کا سامان غائب یا نقصان پہنچنے پر ادا کیے گئے۔ رپورٹ میں قومی خزانے کو نقصان پہنچانے والے افراد کے خلاف کارروائی اور ذمہ داروں سے رقم وصول کرنے کی سفارش کی گئی ہے۔

Comments