کراچی : قومی ایئرلائن (پی آئی اے) نے کراچی سے قبل از حج آپریشن کا آغاز کردیا، آپریشن 10 جون کو اختتام پذیر ہوگا۔
تفصیلات کے مطابق کراچی سے پی آئی اے نے قبل از حج آپریشن کا آغاز کردیا ، ترجمان نے بتایا کہ پی آئی اے کی کراچی سے پہلی پروازپی کے 743رات ساڑھے3بجےروانہ ہوئی۔
قومی ایئرلائن مجموعی طور پر34ہزار عازمین حج کو 170پروازوں کے ذریعے حجاز مقدس پہنچائے گی اور پی آئی اے کا قبل از حج آپریشن 10 جون کو اختتام پذیر ہوگا۔
یاد رہے قومی ایئرلائن کا قبل از حج آپریشن جمعرات 9مئی سے شروع ہوا تھا اور پہلی حج پروازپی کے 717 لاہور سے مدینہ کیلئے 333عازمین حج کو لیکر روانہ ہوئی۔
اسلام آباد سے قومی ایئرلائن کی حج پرواز مدینہ کیلئے 327عازمین حج کو لیکر گئی۔
قومی ایئرلائن کی پرواز پی کے717سیالکوٹ سے مدینہ کیلئے 19مئی کو حجاز کرام کو لیکر مدینہ روانہ ہوگی۔
اسلام آباد اور کراچی سے عازمین حج روڈ ٹو مکہ منصوبے کے تحت مدینہ روانہ ہوں گے۔
قومی ایئرلائن اس سال 19ہزار سرکاری حج اسکیم اور15ہزار پرائیوٹ حجاز پی آئی اے کے ذریعے سفر کریں گے، حج فلائٹ آپریشن کے دوران بوئنگ777 اور ایئر بس 320طیارے استعمال کیا جائے گا۔
