کراچی : قومی ایئرلائن ( پی آئی اے ) کا ایک اور فضائی میزبان کینیڈا میں مبینہ طور پر لاپتہ ہوگیا، اس سے قبل بھی4 ایئر ہوسٹس اور فلائٹ اسٹیورڈز فرار ہوچکے ہیں۔
تفصیلات کے مطابق قومی ایئرلائن ( پی آئی اے ) کا ایک فضائی میزبان کینیڈا میں مبینہ لاپتہ ہوگیا، ایئرپورٹ سے ٹورنٹو جانیوالی پرواز کا میزبان جمعرات کو لاہور سے روانہ ہوا تھا۔
فضائی میزبان منتظر مہدی پی آئی اے کی پرواز کے ذریعے دوران ڈیوٹی ٹورنٹو پہنچا تھا اور پی آئی اے کی پرواز 798 کے ذریعے جمعہ کو پہنچنا تھا تاہم فضائی میزبان نے واپسی کے لیے ہوٹل میں دیگر عملے کے ساتھ رپورٹ نہیں کی۔
- Advertisement -
منتظر مہدی سے قبل بھی4 ایئر ہوسٹس اور فلائٹ اسٹیورڈز یونیفارم میں فرار ہوچکے ہیں، پی آئی اے حکام کا کہنا ہے کہ پہلے ازخود محکمانہ انکوائری کریں گے پھر ایف آئی اے کو کیس دیں گے۔
