کراچی : پی آئی اے نے سعودی عرب کے ایک اور شہرکیلئے پروازیں شروع کرنے کا اعلان کردیا، ہفتہ وار 2پروازیں آپریٹ کی جائیں گی۔
تفصیلات کے مطابق پی آئی اے نے سعودی عرب کے ایک اور شہر القسیم کیلئے پروازیں شروع کرنے کا اعلان کردیا۔
پی آئی اے انتظامیہ کی جانب سے کہا گیا ہے کہ پی آئی اے لاہور اور اسلام آباد سے ہفتہ وار 2پروازیں آپریٹ کرے گی۔
انتظامیہ نے کہا ہے کہ اسلام آباد سے 28مارچ کو پہلی پرواز القسیم کیلئے اڑان بھرے گی، لاہور اور اسلام آباد کے لئے پیر اور جمعرات کو آپریٹ ہوگی۔
ترجمان پی آئی اے نے بتایا کہ سعودی شہر القسیم کےلیے پاکستانیوں کی بڑی تعداد نے فلائٹ آپریشن شروع کرنے کےلیے پی آئی اے انتظامیہ سے درخواست کی تھی۔
Comments
- Advertisement -