کراچی : پی آئی اے میں بورڈ آف ڈائریکٹرز کی منظوری کے بغیر جونیئر افسران کی تعیناتی کردی گئی، قوانین کی سنگین خلاف ورزی کرتے ہوئے گروپ نو کی عہدے پر جونیر افسران کو تعینات کردیا گیا۔
تفصیلات کے مطابق باکمال لوگ لاجواب سروس کے دعویدار قومی ادارے پی آئی اے میں قوانین اور سنیارٹی کی دھجیاں اڑادیں گئیں، بورڈ کی منظوری کے بغیر گروپ نو کی عہدے پر جونیر افسران کو متعین کردیا گیا۔
بیرون ملک تعیناتی میں گروپ نو کے افسران کی تعیناتی کی جاتی ہے مگر قوانین کے برعکس منظور نظر افسران کو تعینات کردیا گیا۔
ذرائع کے مطابق انیس افسران میں زیادہ تر گروپ آٹھ کے افسران شامل ہیں، جدہ، دبئی، پیرس، یوایس اے، گوپن ہیگن سمیت دیگر ممالک میں جونیر افسران تعینات کردیئے گئے۔
اس کے علاوہ نیویارک اسٹیشن بند ہونے کے باوجود جنید شاہ کو جنرل مینجر یوایس اے تعینات کردیا گیا۔