site
stats
Uncategorized

پی آئی اے حکومتی امداد منافع کے لیے بینک میں رکھے گا

PIA

کراچی: قومی ائیرلائن انتظامیہ نے ادارے کی زبوں حالی کے باوجود حکومت سے ملنے والی مالی امداد کا نصف حصہ بینک میں رکھنے کا فیصلہ کیا ہے۔

تفصیلات کے مطابق پی آئی اے نےخسارے کو پورا کرنے کے لئے حکومت کی جانب سے ملنے والے دس ارب روپے کا نصف حصہ بینک میں رکھنے کا فیصلہ کیا ہے۔

قومی ایرلائن نے فیصلہ کیا ہے کہ منافع کے لئے نصف رقم چھ سے آٹھ ماہ تک بینک میں رکھی جائیگی، جبکہ بقیہ پانچ ارب روپے جہازوں کی لیز منی سمیت امور پر خرچ کئے جائیں گے۔

ذرائع کا کہنا ہے پی آئی اے کی نئی حکمت عملی کے مطابق منافع کی رقم سے ملازمین کی تنخواہوں سمیت دیگر اخراجات کئے جائیں گے۔

یہاں پڑھیں:قومی ائیر لائن کا خسارہ 170ارب سے تجاوز کرگیا.

واضح رہے اربوں روپے کے خسارے سے دوچار ائیرلائن حکام نے حکومت سے بیل آؤٹ پیکج کی درخواست کی تھی جس پرای سی سی نے قومی ائیرلائن کو درخواست پر دس ارب روپے جاری کرنے کی منظوری دی تھی

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top