آپ نے سیاہ، گرے اور آسمانی رنگ کی ڈولفن تو اکثر دیکھی ہوں گی لیکن کیا آپ نے کبھی گلابی رنگ کی ڈولفن دیکھی ہے؟ یقیناً آپ کو جواب نہیں ہوگا۔
لیکن سوشل میڈیا پر ایک ویڈیو تیزی سے وائرل ہورہی ہے جس میں گلابی رنگ کی ڈولفن واضح دکھائی دے رہی ہے، کچھ صارفین اس کے وجود سے آگاہ تھے جنہوں نے خوبصورت ڈولفن کو دیکھ کر سراہا۔
بہت سے لوگوں نے ڈولفن کی اس منفرد رنگت کی وجہ دنیا میں ہونے والی موسمیاتی تبدیلی کو قرار دیا۔
گلابی ڈولفن کی ویڈیو سوشل میڈیا پر تیزی سے وائرل ہورہی ہے اور صارفین کی جانب سے اس پر تبصرے بھی کیے جارہے ہیں۔
If you haven’t seen a pink dolphin💕
(Credit in the video) pic.twitter.com/PBZWfmosm0— Susanta Nanda IFS (@susantananda3) August 19, 2021
امریکی چینل نیشنل جیوگرافک چینل کی ویب سائٹ کے مطابق یہ گلابی ڈولفن جنوبی امریکا کے ایمازون دریا میں پائی جاتی ہیں۔
ان کے رنگ سے متعلق کہا جاتا ہے کہ کھیل کود یا ایک دوسرے پر سبقت لے جانے کے دوران لڑائی کے باعث جسم کے ٹشو متاثر ہونے سے ان کا رنگ تبدیل ہوجاتا ہے۔
