The news is by your side.

Advertisement

روس میں مسافر طیارہ سمندر میں گر کرتباہ

ماسکو: روس میں مسافر طیارہ سمندر میں گر کرتباہ ہوگیا ،مسافر طیارے میں عملے سمیت اٹھائیس افراد سوارتھے، ریسکیو ٹیمیں کشتی میں روانہ ہوگئیں ہیں۔

غیر ملکی میڈیا کے مطابق روس کے مشرقی حصے میں واقع کامچٹکا جزیرے میں مسافر طیارہ سمندر میں جاگرا، مسافر طیارے میں عملے سمیت اٹھائیس افراد سوارتھے، مسافر طیارے کا کچھ دیر قبل ہی کنٹرول ٹاور سے رابطہ منقطع ہوا تھا۔

ائیر ٹریفک نے طیارے کی سمندر میں گرنے کی تصدیق کردی ہے ، حکام کا کہنا ہے ریسکیوٹیمیں کشتی میں رواہ ہوگئیں ہیں۔

روس کی ہنگامی وزارت نے بتایا کہ طیارہ انٹونیو این 26 علاقائی دارالحکومت پیٹرو واولوسک کامچتسکی سے شمالی کامچٹکا کے ایک گاؤں جا رہا تھا ، جب اس کا ہوائی ٹریفک کنٹرول سے رابطہ ٹوٹا، مسافروں میں گاؤں کے میئر اولگا موکیریفا بھی شامل ہیں۔

Comments

یہ بھی پڑھیں