اسلام آباد : پی ٹی آئی رہنما فواد چوہدری کا کہنا ہے کہ عمران خان پر قاتلانہ حملے کی منصوبہ بندی سامنے آگئی ہے، معاملے کی تحقیقات کی جائیں۔
تفصیلات کے مطابق تحریک انصاف کے رہنما فواد چوہدری نے سماجی رابطے کی ویب سائٹ ٹوئٹر پر اپنے بیان میں کہا کہ عمران خان پرقاتلانہ حملےکی منصوبہ بندی سامنےآچکی ہے، معاملے کی تحقیقات کی جائیں اور عمران خان کی سیکیورٹی کو مضبوط بنایا جائے۔
عمران خان پر قاتلانہ حملے کی منصوبہ بندی سامنے آ چکی ہے، اس اہم معاملے پر تحقیقات کی جائیں اور عمران خان کی سیکیورٹی کو جامع بنایا جائے https://t.co/YAIjqOmYKM
— Ch Fawad Hussain (@fawadchaudhry) March 3, 2023
یاد رہے بابر اعوان نے مزید بتایا کہ تازہ اطلاعات اورشواہد ہیں کہ دوبارہ عمران خان کی جان لینے کی کوشش ہورہی ہے، آپ کو سنگین اور حساس صورتحال بیان کرنے پر مجبور ہوگئے ہیں۔
ماہر قانون نے کہا کہ پی ٹی آئی کیخلاف اب تک 100سےزیادہ مقدمات درج ہوچکے ہیں، بدقسمتی سے وکلا کہتے ہیں کہ اسلام آباد کے کچہری موت کا پھندا ہے، دیکھنے کی بات یہ ہے کہ یہ پرچے اسلام آباد میں کیوں ہورہے ہیں، پہلا ثبوت ہےکہ عمران خان کیخلاف سارے مقدمات اسلام آباد میں ہوتے ہیں۔
انھوں نے انکشاف کیا کہ اطلاعات ہیں کہ عمران خان کوگھیر کر اسلام آبادکچہری میں لاکر قتل کیاجائے، بین الاقوامی ایجنسی کچہری پیشی کےدوران عمران خان کو قتل کرنا چاہتی ہے۔
ڈاکٹر بابر اعوان کا کہنا تھا کہ دوبارہ عمران خان کی جان لینے کی کوشش ہورہی ہے اور عمران خان پر ایک اور قاتلانہ حملےکی تیاری ہورہی ہے، ہمارےپاس تازہ اطلاعات،واقعاتی شہادتیں موجودہیں۔
انھوں نے بتایا کہ دوسراشواہد ہے کہ عمران خان کو سیکیورٹی کے اعتبار سے تنہا کردیا گیا، عدالت نے سیکیورٹی میں اندر لایاجائے مگر سیکیورٹی نہیں دی گئی، تیسرا ثبوت یہ ہے کہ جوعمران خان کی پیشی پرجوڈیشل کمپلیکس میں سامنے آیا۔