The news is by your side.

Advertisement

ضلع ہنگو میں پلانٹ فار پاکستان مہم کے تحت شجرکاری مہم کا آغاز

پشاور: ملک کے دوسرے شہروں کی طرح خیبرپختوانخوا کے ضلع ہنگو میں بھی پلانٹ فار پاکستان مہم کے تحت شجرکاری مہم کا باقاعدہ آغاز کردیا گیا ہے۔

تفصیلات کے مطابق اس موقع پر چیئرمین ڈیڈک شاہ فیصل خان ایم پی اے نے وائس چانسلر کوہاٹ یونیورسٹی پروفیسر جمیل احمد، پروفیسر فرہاد اللہ، افسران و معززین علاقہ اوربلدیاتی نمائندوں کے ہمراہ علاقہ بگٹو ہنگو میں زرعی یونیورسٹی کے لئے مختص اراضی پر پودے لگائے۔

وائس چانسلر پروفیسر جمیل احمد نے کہا کہ پلانٹ فار پاکستان مہم ماحولیاتی تبدیلی کے لئے سنگ میل کی حیثیت رکھتا ہے جس میں ہر شہری پر قومی اور اخلاقی ذمہ داری عائد ہوتی ہے کہ زیادہ سے زیادہ جنگلات اگا کران کے تحفظ کو یقینی بنائے۔

انہوں نے کہا کہ پاکستان ایک زرعی ملک ہے اور زراعت سمیت جنگلات کے شعبے معیشت کے استحکام میں نہایت اہم اور نمایاں مقام رکھتے ہیں۔

شاہ فیصل خان ایم پی اے نے کہا کہ زرعی یونیورسٹی ہنگو کے قیام کے لئے مختص شدہ 1360 کنال اراضی پر یونیورسٹی کا فوری قیام ترجیحات میں شامل ہے۔

اقوام متحدہ نے پاکستان کی شجرکاری کے ذریعے جنگلات کا خاتمہ روکنے کی کوشش کو سراہا

انہوں نے کہا کہ زرعی یونیورسٹی میگاپراجیکٹ کے لئے صوبائی حکومت سے فنڈز کی فوری فراہمی کے لئے مسلسل رابطہ رکھے ہوئے ہیں اور انشاءاللہ بہت جلد اس اہم منصوبے پر عملی کام شروع کردیا جائے گا۔

ان کا مزید کہنا تھا کہ ماحولیاتی آلودگی کاخاتمہ وقت کی اہم ضرورت ہے جس کے لئے مل جل کر گرین پاکستان کی منزل حاصل کریں گے۔

Comments

comments

یہ بھی پڑھیں