تازہ ترین

شہری پٹرول پر بڑے ریلیف سے محروم

اسلام آباد: ڈالر کی سابقہ ایڈجسٹمنٹ کی وجہ سے...

حکومت نے پٹرول اور ڈیزل پر فریٹ مارجن بھی بڑھا دیا

اسلام آباد: او ایم سی اور ڈیلرز مارجن کے...

حکومت کا دہشتگردی کے حالیہ واقعات کے بعد بڑے ایکشن کا فیصلہ

نگراں وفاقی حکومت نے دہشتگردی کے حالیہ تواتر سے...

میانوالی میں حملہ ناکام، 2 دہشتگرد ہلاک، پولیس اہلکار شہید

پنجاب کے ضلع میانوالی میں کنڈل پٹرولنگ پوسٹ پر...

حکومت کا پیٹرولیم مصنوعات کی قیمتوں میں کمی کا اعلان

اسلام آباد: حکومت نے پیٹرولیم مصنوعات کی قیمتوں میں...

موڈ پر حیرت انگیز اثرات مرتب کرنے والے پودے

گھر یا دفتر میں پودے رکھنا ویسے تو مجموعی طور پر ماحول کو بہتر بناتے ہیں، لیکن کیا آپ جانتے ہیں کچھ پودے اپنے ارد گرد رہنے والے افراد کے اندر مثبت خیالات کو فروغ دیتے ہیں اور حیرت انگیز طور پر مثبت طبی اثرات مرتب کرتے ہیں؟

آئیں ان پودوں کے بارے میں جانیں۔

پودینے کا پودا

بعض لوگ عقیدہ رکھتے ہیں کہ گھر میں پودینے کا پودا رکھنے سے معاشی خوشحالی آتی ہے۔ یہ پودا دفتر یا گھر میں موجود افراد کے درمیان تعلق کو بھی مضبوط کرتا ہے۔

چنبیلی

چنبیلی کی دھیمی دھیمی خوشبو ارد گرد موجود افراد کے درمیان محبت کا تعلق مضبوط کرتی ہے۔

ایلو ویرا

ایلو ویرا کے پودے کی جہاں بے شمار خصوصیات ہیں وہیں یہ حیرت انگیز پودا منفی ماحول سے محفوظ رکھ کر گھر یا دفتر کی فضا میں مثبت توانائی، خوش قسمتی اور خوشحالی لانے کا سبب بنتا ہے۔

بعض دفعہ یہ ماحول کی ساری منفیت اپنے اندر جذب کر لینے کے بعد مرجھا بھی جاتا ہے۔

روز میری

جامنی رنگ کے ننھے پھولوں والا یہ پودا ہوا کو صاف ستھرا رکھتا ہے۔ یہ کئی بیماریوں سے تحفظ فراہم کرتا ہے جبکہ زخموں اور تکالیف کو مندمل کرنے میں بھی مدد گار ثابت ہوتا ہے۔

روز میری یادداشت اور موڈ کو بھی بہتر بناتا ہے۔

لیونڈر

لیونڈر کے پھولوں کو اپنے سرہانے رکھنے سے آپ پرسکون نیند سو سکتے ہیں۔

یہ ڈپریشن میں کمی اور دماغ کو پرسکون بناتا ہے، جبکہ کسی مقام پر خوشی اور باہمی اتفاق بڑھنے میں بھی مدد دیتا ہے۔

اورکڈ

اورکڈ کے پھول طویل العمر ہوتے ہیں اور کئی روز تک تازہ رہتے ہیں۔ یہ پودا حیرت انگیز طور پر رات کے وقت بھی آکسیجن کا اخراج کرتا ہے لہٰذا اسے اپنے بیڈروم میں رکھنا نہایت مفید ثابت ہوسکتا ہے۔

Comments

- Advertisement -