پاکستان کے سابق کرکٹر تنویر احمد نے ہوم سیریز میں ویسٹ انڈیز کے خلاف ٹیسٹ میچ میں شکست پر اپنے خیالات کا اظہار کیا ہے۔
سابق پیسر تنویر احمد کا سرکاری چینل پر گفتگو کرتے کہنا تھا کہ اتنی گندی کرکٹ ہم نے کھیلی، ایسی کرکٹ ہم نے کھیلی یا کھلائی جارہی ہے، اگر آپ مجھ سے پوچھیں تو میں بولوں گا کہ زبردستی کھلائی جارہی ہے۔
تنویر احمد کا ماننا ہے کہ ویسٹ انڈیز کے خلاف ٹیسٹ میچ میں شکست کے ذمہ دار کرکٹرز نہیں بلکہ ہیڈ کوچ اور سیلکٹرز ہیں۔
ویسٹ انڈیز سے شکست: پاکستان ٹیم پستی کی اتھاہ گہرائیوں میں جا پہنچی
انھوں نے کہا کہ ہمارے ہاں جس قسم کی پچز بنائی جارہی ہیں، میں پہلے بھی کہہ چکا ہوں کہ اگر ہماری بیٹنگ فلاپ ہوئی یا ہمارے بیٹر کچھ نہیں کریں گے تو اس کا پورا پورا ذمہ دار ہیڈ کوچ ہے،
پاکستان کے سابق فاسٹ بولر کا پچ کی وجہ سے شکست پر تبصرہ کرتے ہوئے مزید کہنا تھا کہ آپ کے سیلکٹرز اس کے ذمہ دار ہیں جنھوں نے اس قسم کی پچز بنائیں۔
