The news is by your side.

Advertisement

وزیراعظم کا آزاد کشمیر کے 12 لاکھ خاندانوں کو صحت کارڈ دینے کا اعلان

وزیراعظم عمران خان نے آزاد کشمیر کے عوام کیلیے صحت کارڈ کا اجرا کرتے ہوئے کہا ہے کہ 12 لاکھ مستحق خاندانوں کو صحت کارڈ دیا جائے گا۔

آزادکشمیر کیلئے صحت سہولت کارڈ اجرا کی تقریب سے خطاب کرتے ہوئے وزیراعظم نے کہا کہ 35سال پہلے شوکت خانم اسپتال کی تعمیر کا فیصلہ کیا تھا اور شوکت خانم اسپتال کی تعمیرکیلئے10سال محنت کی، پاکستان میں کینسر کا علاج مہنگاہے،شوکت خانم میں مفت علاج ہوتاہے یہاں غریب اور امیر مریضوں میں فرق نہیں ہوتا۔

وزیراعظم نے کہا کہ احساس ہےصحت سےمتعلق ہمارےملک میں کتنےمسائل ہیں، آزادکشمیر کیلئے صحت سہولت کارڈ کا اجرا کر رہے ہیں اور 12لاکھ مستحق خاندانوں کو صحت کارڈ دیا جائے گا، صحت کارڈ کے ذریعے 300 سے زائد اسپتالوں میں مفت علاج ہوسکےگا۔

ان کا کہنا تھا کہ خیبرپختونخوامیں فیصلہ کیاہےہرشہری کوصحت سہولت کارڈملےگا پنجاب میں60لاکھ خاندانوں کو صحت سہولت کارڈمل چکےہیں، پنجاب میں2021تک کوشش ہےہرخاندان کوصحت کارڈملے وسائل نہ ہونے کے باوجودفیصلہ کیاعوام کی بنیادی ضروریات پوری کریں۔

وزیراعظم نے کہا کہ مقبوضہ کشمیرمیں ایک فاشسٹ حکومت قابض ہے، پہلےکہتےتھےایشین ٹائیگربناؤں گا لاہور کو پیرس بناؤں گا ہماری کوشش ہےپاکستان کوفلاحی ریاست بنائیں۔

Comments

یہ بھی پڑھیں