The news is by your side.

Advertisement

’’بزدل بھارتی فوج پاک فوج کا مقابلہ نہیں کرسکتی‘‘

مظفرآباد: وزیراعظم آزاد کشمیر راجہ فاروق حیدر نے پاک فوج کو خراج تحسین پیش کرتے ہوئے کہا ہے کہ بزدل بھارتی فوج پاک فوج کا مقابلہ نہیں کرسکتی۔

اے آر وائی نیوز کی رپورٹ کے مطابق وزیراعظم آزاد کشمیر راجہ فاروق حیدر نے کہا کہ پاک فوج نے ایل او سی پر بھارتی فوج کو منہ توڑ جواب دیا، پاک فوج کے اقدام سے کشمیری عوام کے حوصلے بلند ہوئے۔

راجہ فاروق حیدر نے کہا کہ کرونا کی آڑ لیکر مودی کشمیری نوجوانوں کو شہید کرارہا ہے، کشمیری عوام پاک فوج کو محافظ سمجھتے ہیں۔

انہوں نے کہا کہ ایل او سی پر پاک فوج کے منہ توڑ جواب سے بھارت بوکھلا گیا ہے۔

یہ پڑھیں: بھارتی فوج کی ایل اوسی پرجارحیت، 24 گھنٹے کے دوران 2 لڑکیوں سمیت 6شہری زخمی

واضح رہے کہ اس سے قبل لائن آف کنٹرول پر بھارتی فوج کی بلااشتعال فائرنگ پر وزیراعظم آزاد کشمیر نے اقوام متحدہ سیکریٹری جنرل سے عالمی قوانین کی خلاف ورزی کا نوٹس لینے کا مطالبہ کیا تھا۔

یاد رہے کہ ایل او سی پر بچوں، خواتین، طلبا کو نشانہ بنانا بھارت کا وطیرہ ہے، بھارت عالمی کنونشن کی خلاف ورزی کرتےہوئے کلسٹرز بم کا استعمال کر رہا ہے، جبکہ مودی کے برسر اقتدار آنے کے بعد 5سال میں سیزفائر خلاف ورزیوں میں اضافہ ہواہے۔

گزشتہ5سال میں ایل اوسی پر سیزفائر کی خلاف ورزیوں میں مسلسل اضافہ ہوا، 2016 میں بھارت نے382بار ، 2017 میں بھارت نے1881بار، 2018 میں بھارت نے3038بار اور 2019 میں بھارت نے3351 بارجنگ بندی کی خلاف ورزیاں کیں۔

Comments

یہ بھی پڑھیں