اسلام آباد: وزیر اعظم آزاد کشمیر سردار تنویر الیاس نے ترک سفیر کو زلزلہ متاثرین کے لیے 48 کروڑ روپے کا امدادی چیک پیش کیا، ان کا کہنا تھا کہ کشمیری عوام اور ترکیہ یک جان دو قالب ہیں۔
تفصیلات کے مطابق وزیر اعظم آزاد کشمیر سردار تنویر الیاس نے ترکیہ کے سفارت خانے کا دورہ کیا جہاں انہوں نے ترک سفیر کو زلزلہ متاثرین کے لیے 48 کروڑ روپے کا امدادی چیک پیش کیا۔
حکومت آزاد کشمیر کی جانب سے 47 کروڑ روپے ترک زلزلہ متاثرین کے لیے دیے گئے ہیں جبکہ 1 کروڑ روپے تنویر الیاس نے اپنی طرف سے عطیہ کیے۔
Today, I visited Türkiye Emb in ISB along with some ministers to hand over a cheque of Rs480m to H.E. Dr Mehmet Paçacı as a very small token of love & support from AJK people for their quake hit brethren in 🇹🇷. May this great nation briskly overcome this tragedy with fortitude. pic.twitter.com/igMaPVwAGs
— Sardar Tanveer Ilyas Khan (@SardarTanveerIK) March 3, 2023
تر ک سفیر نے وزیر اعظم آزاد کشمیر تنویر الیاس کا خصوصی شکریہ ادا کیا۔ اس موقع پر ترک سفارت خانے میں شہدائے زلزلہ کے لیے دعا بھی کروائی گئی۔
وزیر اعظم آزاد کشمیر کا کہنا تھا کہ کشمیری عوام اور ترکیہ یک جان دو قالب ہیں، مشکل کی گھڑی میں کشمیری عوام اپنے ترک بہن بھائیوں کے ساتھ ہیں۔
انہوں نے کہا کہ 2005 کے زلزلے میں ترکیہ نے فراخدلی سے کشمیری عوام کی مدد کی تھی، حالات بہت مشکل ہیں لیکن ترک قوم کا عزم مضبوط ہے۔
