اسلام آباد : وزیراعظم عمران خان نے سلطان قابوس کے انتقال پر اظہارافسوس کرتے ہوئے کہا پاکستان بہترین اورقابل اعتماد دوست سے محروم ہوگیا ہے۔
تفصیلات کے وزیراعظم عمران خان نے سماجی رابطے کی ویب سائٹ ٹوئٹر پر سلطنت آف اومان کے فرمانروا سلطان قابوس بن کے انتقال پر اظہارافسوس کرتے ہوئے کہا پاکستان بہترین اورقابل اعتماد دوست سے محروم ہوگیا، سلطان قابوس نےاومان کوجدیدریاست میں تبدیل کیا، اللہ تعالی سلطان ان کو بلند درجات عطا فرمائیں۔
I extend our deepest condolences to people of Oman on the passing of His Majesty Sultan Qaboos bin Said al Said. He was a visionary & transformed Oman into a vibrant, modern state.Oman has lost a beloved leader & Pakistan a close, trusted friend.May his soul rest in eternal peace
— Imran Khan (@ImranKhanPTI) January 11, 2020
یاد رہے عرب ملک سلطنت اومان کے سلطان قابوس بن سعید طویل علالت کے بعد انتقال کر گئے، ان کے انتقال پر ملک میں تین روزہ سوگ کا اعلان کیا گیا، سلطان قابوس اپنے والد سعید بن تیمور کی وفات کے بعد اومان کے بادشاہ بنے تھے۔
شاہی دیوان کی جانب سے جاری بیان میں مرحوم سلطان قابوس کی شاندار خدمات پر انہیں خراج عقیدت پیش کرتے ہوئے کہا گیا کہ سلطان قابوس نے 50 سال تک ملک کی خدمت کی اور اسے ترقی کی معراج تک پہنچایا۔
سلطان قابوس نے 1970 میں اپنے والد کو معزول کر اومان کا تخت سنبھالاتھا، ان کی اولاد نہیں، اس لیے انہوں نے جانشین بھی نامزد نہیں کیا تھا، جس کے بعد اومان کا شاہی خاندان 3 روز میں جانشین کا چناؤ کرنے کا مجاز ہے۔
